失眠嘅副作用——你會變成一個哲學家

凌晨四點，你開始諗一啲日頭絕對唔會諗嘅問題。

宇宙有冇盡頭？人死咗之後去邊？點解我細個嗰陣咁鍾意食麥提莎，而家覺得太甜？我究竟係因為寂寞先想你，定係因為想你所以寂寞？

你平時係一個好practical嘅人。返工、食飯、瞓覺、重複。你唔會浪費時間諗呢啲「冇用」嘅問題。但凌晨四點，你個腦唔係你控制嘅。

佢會自己開一個「哲學mode」，然後俾你一大堆冇答案嘅問題。

你試過答。你試過話俾自己聽「訓啦，聽日要返工」。但個腦會話：「但係你有冇諗過，我哋嘅存在可能只係一個模擬程式…」

你放棄咗。

凌晨四點，你唔係一個人。你係一個哲學家。

一個好想瞓覺嘅哲學家。