By 霓虹語 NeonYu 你碌返同佢嘅對話記錄，最後一個 message 係三年前嘅「生日快樂」，你覆咗個「多謝」，句點。
你望住佢個 profile picture，冇變過。最後上線時間寫住「last seen a long time ago」，一個好溫柔嘅說法。
你諗起以前日日 send voice message 俾對方，連食咗咩早餐都報告一餐。而家連個「在線上」都唔會再出現。
你打咗幾個字，然後 delete。再打，再 delete。個 cursor 喺輸入欄度閃下閃下，好似笑緊你。
你想知佢而家點——做緊咩工、拍緊拖未、開唔開心。但你知就算 send 咗出去，都未必會收到回覆。
你閂咗 WhatsApp，打開第二個 app。幾秒之後，你又開返 WhatsApp，碌返去同一個對話。
凌晨做嘅嘢，唔會有人知。包括你自己，聽朝都會扮唔記得。