By 霓虹語 NeonYu IG演算法真係好幽默。碌碌下feed，見到你個頭像出現喺佢個post下面。
你like咗佢張相。佢笑得好開心，你留咗個「❤️」。係嗰個我諗住係專屬我嘅紅色心心emoji。
我望住個screen好耐。手指想撳入去你個profile睇下，但最後冇。因為我知睇到嘅嘢，唔會令我開心。
其實你同邊個一齊，關我咩事啫？我哋都分咗手咁耐，你應該要有自己嘅生活。呢啲道理我全部都明。
但嗰個心心emoji，好似一嘢打落我心口咁。原來你對第二個，都可以同對我一樣咁好。
我熄咗IG，打開Netflix睇咗套戲。套戲講乜我唔太記得，但我好努力咁唔俾自己諗——你個心心，已經唔係俾我㗎喇。